上個星期六放假打算夜晚打邊爐，點知番到屋企發覺身體有少少唔正常，算、訓覺先。

 訓到夜晚７點起身，發覺頭痛不特止、仲腳步浮浮，好似飲完酒，攪到冇晒食慾，是但食左兩舊肥牛就番去訓。

十點起身，嘩黎料喇，個頭好似岩岩爆炸完黎，成身又超熱，個身一路震震震，但係次次醒都係熱醒啵，真係比佢吹Ｑ漲。

不過好彩，一直訓到第二朝就慢慢冇事，不過果晚請左第一次病假，冇理由大病初癒仲要番通頂架，拎條命黎教飛咩。

不過到左呢一刻病既後遺症仲係到，我個身好痛　＞.＜

更新左背景音樂，「坂本真綾」既新歌：さいごの果実，好好聽，極力推介！

 繼續同周公傾計先，掰掰。（可惜只可以上傳1mb以下檔案，攪到首歌走晒樣＞.＜）

從找到這份工作到現在，也已經過了一年了，回想起當初入職時的興奮，到現在的失落。

多虧這份工作，令我認識到所謂的成年人世界是多麼的陰險、可怕。

說實在雖然已經廿一歲，可是我的思想年齡根本就一直維持著十六歲的年齡，

也許是因為這樣我才撐的住吧，這幾個月來發生的種種就連我自命樂天也快要受不住了，

夜更人手不足不請新人，日更人手過盛卻一直請人；

日更有測試不做丟給夜更，夜更沒在時限前完成被罵到臭頭；

日夜更同樣上班十二小時，夜更只比日更多五百元，換來的卻是健康問題；

本來夜更就比日更辛苦，別人在睡大覺的時候我們在辛苦，人家上班時我們卻睡不了覺(中午睡覺是要怎樣睡？)；

 夜更的生病率之高，幾乎每天都有人病，病完到另一人病；

雖說世界就是這麼不公平，不過算了…反正也習慣了。

回想起一年前，知道自己升唔到副學士之後，果種無奈、絕望，同中五畢業果年一樣。

明明自己有努力過，最終得黎既，只不過係一場夢，一場從頭到尾都係輸家既夢。

我呢排成日都諗﹏﹏﹏﹏

「究竟我仲有幾多年可以比我發夢？」

「究竟我幾時先會搵到另一半拉埋天窗、有埋可愛既仔仔囡囡？」

「會唔會到我走入棺材都仲係發緊夢？」

「其實我係咪一直都發緊夢？」

好耐都冇更新啦，一黎自己懶、二黎呢排忙緊搬屋，不過終於都搬完啦，新屋呢到環境唔錯，又可以自己霸一間房，好自由^_^

今日睇左『山下智久＆長澤正美』做既「求婚大作戰」最後一集，覺得個結局都OK爛尾，雖然明明就知道最後佢地兩個終於都係埋一齊，但係最尾佢淨係做到阿禮(長澤正美)叫一聲健三(山下智久)咁就完左‧‧‧

 不過講真，我都好想有機會回到過去，一黎想同過去所鍾意既人表白，二黎想重新再努力讀書(=﹏,=發緊夢)，如果有機會就好啦！

今日休息，放工同班同事食個早餐之後去左太子打陣機，用番我最熟最勁既禁斷，

同阿輝一齊挑對面機，對面係SF+肥蟹。哈哈哈哈，我最鍾意對住SF，你夠膽就閃埋黎，

你一埋身我就用側格掃走你^__^

之後走左去黃金買4GB MS卡，行左幾轉，最平都要$585。

是但啦，都係痛一次姐，4GB卡終於都入手啦，我可以入埋MHP2啦>///<

等陣去下載埋DJMAX2先 ０.０

死亡筆記有個Ｌ，我地公司有個「Ｌ」，但係此Ｌ不同彼Ｌ，我地公司果個「Ｌ」，出晒名怕事、賤格、樣衰、剋人憎、口臭、冇口德，乜衰野都有佢份，每日番工例遲，前排夜更阿頭調早更，夜更要再選阿頭，佢夠膽死向GM部最大推薦自己，收皮啦，有咩事就話「唔知呀、唔好問我呀、我乜都唔知架。」有咩野著數就即刻拎。好彩大大佬英明，唔理佢，哈哈，惡人有惡報，你夠僵就繼續遲到啦，我睇你去左日更可以挨到幾耐至比人炒。